Baile
https://www.turaschonamara.ie/images/faoi_run/port_1.jpg

PORTRÁIDÍ CRIATHRAIGH - léiriú scannáin ar líne + seisiún cainte

Luain, 1 Márta 2021

Saor in aisce

18.30 – 19.10 (40n) scannán & seisiún cainte dhátheangach

Clárú

19.30 – 20.10 (40n) scannán & seisiún cainte i nGaeilge

Clárú 

 

 

Bígí linn do léiriú beo sa Zúm den ghearrscannáin Portráidí Criathraigh agus seisiún cainte leis na h-ealaíontóirí Seán Ó Flaithearta, Ríonach Ní Néill agus Joe Lee. Tá fáilte roimh an lucht féachana ceisteanna a chur ar na healaíontóirí agus páirt a ghlacadh sa chomhrá.

Tugann an scannán seo le Joe Lee agus Ríonach Ní Néill léargas ar Portráidí Criathraigh, saothar ealaíne a chruthaigh Seán Ó Flaithearta i bportach i Ros Muc i nGaeltacht Chonamara. Is iad muintir Ros Muc a bhí páirteach agus a roghnaigh an bheirt phearsa atá á gcomóradh sa saothar, sin iad an rinceoir ar an sean-nós, Cóilín Sheáin Dharach Seoige agus Bridget Aylward, Banríon Alaska.

18.30: seisiún dhátheangach

19.30: seisiún i nGaeilge i gcomhar le hOifigigh Pleanála Teanga na Gaillimhe

Dhá choismeig agus léim ó Chathair na dTreabh atá Gaeltacht Chonamara. Talamh íseal clochach, áit a gcasann tonn le trá, an duirling leis an gcloch eibhir. Breac le góilíní, gaineamh agus oileáin, is í an Ghaeilge teanga an phobail anseo. Tá cultúr na teanga beo beathach agus traidisiún an cheoil, damhsa, litríocht agus ceardaíocht á sheachadadh ó ghlúin go glúin, rud a fhágann a shliocht sa dlúthbhaint atá idir an talamh agus a phobal. Tugann TURAS CHONAMARA cuireadh dhuit an teanga agus an tírdhreach a fheiceáil mar a fheiceann muintir na háite é.

 

Faigh an aip TURAS CHONAMARA agus lean an mapa digiteach agus closamhairc a thugann léargas ar shaibhreas cultúir, teanga agus béaloidis na Gaeltachta, ar fhoirmeacha áitiúla logainmneacha agus ar an cheangal láidir idir na daoine agus an talamh. Déan turas digiteach timpeall Ghaeltacht Chonamara, nó tabhair cluais do na scéalta, amhráin agus ceol agus tú ag siúl na dúiche ónar eascair siad. Is sna pobail éagsúla ó Chois Fharraige go Carna i nGaeltacht Chonamara a fritheadh ábhar an mhapa seo tríd togra pobail agus oidhreachta.

 

Déanann FAOI RÚN, taispeántas ealaíne faoin spéir i Ros Muc, iniúchadh ar an phlé idir tírdhreach, aeráid agus cultúr. Is saothar ealaíne le Seán Ó Flaithearta é Portráidí Criathraigh, a dhéanann comóradh ar an rinceoir ar an sean-nós, Cóilín Sheáin Dharach Seoige agus Bridget Aylward, Banríon Alaska, as Ros Muc. Sníomhann Paul Kinsella tírdhreacha fisiciúla agus fíorúla le chéile i Ephemera, saothair grianghrafadóireachta atá suite amuigh faoin aer.

 

Cuir aithne ar mhuintir na Gaeltachta agus a dtraidisiúin in SIÚLACH SCÉALACH, sraith seónna bóthair, ceardlanna, cainteanna agus ceolchoirmeacha beaga in áiteanna faoi leith agus beidh tú faoi gheasa agus faoi dhraíocht.  

Arna chruthú ag Ríonach Ní Néill, arna léiriú ag Ciotóg, arna choimisiúnú ag Gaillimh 2020, arna chomh-mhaoiniú ag FLAG (Fisheries Local Area Group), le tacaíocht ó Ollscoil na hÉireann Gaillimh agus RTÉ Radio na Gaeltachta